ಆರೋಗ್ಯಸಂಪನ್ನ ಮತ್ತು ಸುರಕ್ಷಿತ ಭಾರತಕ್ಕಾಗಿ
ಆಯೋಜಕರು : ಸನಾತನ ಸಂಸ್ಥೆ

ಭಗವಾನ್ ಶ್ರೀಕೃಷ್ಣನ ನೆಲೆಯಾಗಿರುವ, ಜಗದ್ಗುರು ಮಧ್ವಾಚಾರ್ಯರ ತಪೋಭೂಮಿ ಎಂದೂ ಖ್ಯಾತವಾಗಿರುವ ಉಡುಪಿಯಲ್ಲಿ, ಸನಾತನ ಸಂಸ್ಥೆಯ ಸಂಸ್ಥಾಪಕರಾದ ಸಚ್ಚಿದಾನಂದ ಪರಬ್ರಹ್ಮ (ಡಾ.) ಜಯಂತ ಆಠವಲೆಯವರ ಸಂಕಲ್ಪದಂತೆ ಭವ್ಯ ಶ್ರೀ ಮಹಾಧನ್ವಂತರಿ ಯಾಗವನ್ನು ಆಯೋಜಿಸಲಾಗಿದೆ. ವೈದ್ಯರ ದೇವತೆ ಹಾಗೂ ಆರೋಗ್ಯವನ್ನು ಅನುಗ್ರಹಿಸುವ ಭಗವಾನ್ ಧನ್ವಂತರಿಯನ್ನು ಈ ಯಾಗದ ಮೂಲಕ ಆಹ್ವಾನಿಸಿ, ಭಾರತವನ್ನು ರಕ್ಷಿಸಲು, ಭಕ್ತರ ದೈಹಿಕ ಹಾಗೂ ಮಾನಸಿಕ ತೊಂದರೆಗಳನ್ನು ದೂರ ಮಾಡಲು ಮತ್ತು ಮನುಕುಲಕ್ಕೆ ಯೋಗಕ್ಷೇಮವನ್ನು ಕರುಣಿಸಲು ಪ್ರಾರ್ಥಿಸಲಾಗುವುದು.
ಜಾಗತಿಕ ಸಂಘರ್ಷ ಮತ್ತು ಅಸ್ಥಿರತೆಯ ಈ ಸಮಯದಲ್ಲಿ ಒಂದು ಸುರಕ್ಷಾ ಕವಚ ನಿರ್ಮಾಣವಾಗಲು.
ಮಾನಸಿಕ ಒತ್ತಡ ಹಾಗೂ ನಕಾರಾತ್ಮಕ ಶಕ್ತಿಗಳಿಂದ ಉಂಟಾಗುವ ತೊಂದರೆಗಳ ನಿವಾರಣೆಯಾಗಲು.
ಪಿತೃದೋಷ / ಗ್ರಹದೋಷಗಳಿಂದ ಉಂಟಾಗುವ ಆರೋಗ್ಯ ಸಂಬಂಧಿತ ಸಮಸ್ಯೆಗಳ ನಿವಾರಣೆಯಾಗಲು.
ರಾಷ್ಟ್ರದ ಬೆಳವಣಿಗೆ, ಪ್ರಗತಿ ಮತ್ತು ಕಲ್ಯಾಣಕ್ಕಾಗಿ ಸಾಮೂಹಿಕ ಪ್ರಾರ್ಥನೆಗಳನ್ನು ಸಲ್ಲಿಸಲು.

ಚಂದ್ರದೇವರಿಂದ ಸ್ಥಾಪಿಸಲ್ಪಟ್ಟ ಮತ್ತು 1000 ವರ್ಷಗಳಿಗೂ ಹೆಚ್ಚು ಕಾಲದಿಂದ ಸಂರಕ್ಷಿಸಲ್ಪಟ್ಟ ಮೂಲ ಸೋಮನಾಥ ಜ್ಯೋತಿರ್ಲಿಂಗದ ಪವಿತ್ರ ಅಂಶಗಳ ದರ್ಶನವನ್ನು ಪಡೆಯುವ ಅಪರೂಪದ ಅವಕಾಶ ಭಕ್ತರಿಗೆ ಲಭಿಸಲಿದೆ.
"ಯಾಗದ ಯಶಸ್ವಿ ಆಯೋಜನೆಗೆ ನಿಮ್ಮ ಭಕ್ತಿ ಮತ್ತು ಕಾಣಿಕೆಗಳ ರೂಪದಲ್ಲಿ ಬೆಂಬಲದ ಅಗತ್ಯವಿದೆ"

ಸಚ್ಚಿದಾನಂದ ಪರಬ್ರಹ್ಮ
ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ಪಡೆದ ಸಂಮೋಹನೋಪಚಾರ ತಜ್ಞರಾಗಿದ್ದ ಅವರು, ವೈಜ್ಞಾನಿಕ ಪರಿಭಾಷೆಯಲ್ಲಿ ಅಧ್ಯಾತ್ಮದ ಪ್ರಸಾರ ಮಾಡಲು 1999 ರಲ್ಲಿ ಸನಾತನ ಸಂಸ್ಥೆಯನ್ನು ಸ್ಥಾಪಿಸಿದರು. ಅವರು ವ್ಯಾಪಕವಾದ ಆಧ್ಯಾತ್ಮಿಕ ಸಂಶೋಧನೆಗಳನ್ನು ನಡೆಸಿ, ವೈಜ್ಞಾನಿಕ ಪರಿಭಾಷೆಯಲ್ಲಿ ಅಧ್ಯಾತ್ಮವನ್ನು ಒಂದು ಶಾಸ್ತ್ರವೆಂದು ಸ್ಥಾಪಿಸಲು ಹಲವಾರು ಗ್ರಂಥಗಳನ್ನು ಸಂಕಲಿಸಿದ್ದಾರೆ. ಅವರ ಸಂಕಲ್ಪದಿಂದ ಸನಾತನ ಸಂಸ್ಥೆಯು ರಾಮರಾಜ್ಯದ ಸ್ಥಾಪನೆ ಮತ್ತು ಸಮಾಜ ಕಲ್ಯಾಣಕ್ಕಾಗಿ 300 ಕ್ಕೂ ಹೆಚ್ಚು ಯಾಗಗಳನ್ನು ಮತ್ತು 1,000 ಕ್ಕೂ ಹೆಚ್ಚು ಧಾರ್ಮಿಕ ವಿಧಿಗಳನ್ನು ನಡೆಸಿದೆ.




10,000 ಕ್ಕೂ ಹೆಚ್ಚು ಭಕ್ತರೊಂದಿಗೆ ಸೇರಿ ಅಪರೂಪದ ಯಾಗದಲ್ಲಿ ಭಾಗವಹಿಸಿ.
ಯಾಗದಲ್ಲಿ ಭಾಗವಹಿಸುವುದು ಭಾರತದ ಸುರಕ್ಷೆ ಮತ್ತು ಸಾಮೂಹಿಕ ಧರ್ಮಜಾಗೃತಿಗಾಗಿ ಅಕ್ಷಯವಾದ ಆಧ್ಯಾತ್ಮಿಕ ಸೇವೆಯಾಗಿದೆ.

ಚೈತನ್ಯಭರಿತ ವಾತಾವರಣದಲ್ಲಿ ಮಿಂದು, ಮಹಾಸಂಕಲ್ಪದಲ್ಲಿ ಪಾಲ್ಗೊಳ್ಳಿ
ಯಾಗದ ಮಂತ್ರೋಚ್ಚಾರಣೆಯು ಪ್ರಬಲ ಸಾತ್ವಿಕ ಕಂಪನಗಳನ್ನು ಸೃಷ್ಟಿಸುತ್ತದೆ, ಇದು ವೈಯಕ್ತಿಕವಾಗಿ ಮತ್ತು ಸಮಾಜಕ್ಕೂ ಪಸರಿಸುತ್ತದೆ.

ಭಾರತಕ್ಕೆ ಆಧ್ಯಾತ್ಮಿಕ ರಕ್ಷಾಕವಚ ಲಭಿಸಲು, ಸರ್ವತೋಮುಖ ಏಳ್ಗೆ, ಮತ್ತು ರಾಮರಾಜ್ಯದ ಸ್ಥಾಪನೆಯ ಪವಿತ್ರ ಸಂಕಲ್ಪದೊಂದಿಗೆ ಸನಾತನ ಸಂಸ್ಥೆಯು ಮುಂಬೈನಲ್ಲಿ ಶ್ರೀ ರಾಜಮಾತಂಗಿ ಮಹಾಯಜ್ಞವನ್ನು ಆಯೋಜಿಸಿತ್ತು.

ನವದೆಹಲಿಯ 'ಭಾರತ ಮಂಡಪಂ'ದಲ್ಲಿ ನಡೆದ ಸನಾತನ ರಾಷ್ಟ್ರ ಶಂಖನಾದ ಮಹೋತ್ಸವವು ಸಂತರು, ಕೇಂದ್ರ ಸಚಿವರು ಮತ್ತು 800 ಹಿಂದೂಪರ ಸಂಘಟನೆಗಳ ಪ್ರತಿನಿಧಿಗಳನ್ನು ಒಗ್ಗೂಡಿಸಿ, ಶೌರ್ಯ, ಶ್ರದ್ಧೆ ಮತ್ತು ದೇಶಪ್ರೇಮದೊಂದಿಗೆ ಭಾರತದ ಸಾಂಸ್ಕೃತಿಕ ನವಜಾಗೃತಿಯ ನಾಂದಿಯಾಗಿತ್ತು.

ಸನಾತನ ಸಂಸ್ಥೆಯ ಸಂಸ್ಥಾಪಕರಾದ ಸಚ್ಚಿದಾನಂದ ಪರಬ್ರಹ್ಮ (ಡಾ.) ಜಯಂತ ಆಠವಲೆ ಅವರ 83 ನೇ ಜನ್ಮೋತ್ಸವ ಮತ್ತು ಸನಾತನ ಸಂಸ್ಥೆಯ ರಜತ ಮಹೋತ್ಸವದ ನಿಮಿತ್ತ ಆಯೋಜಿಸಲಾಗಿದ್ದ ಈ ಮಹೋತ್ಸವದಲ್ಲಿ ಆಧ್ಯಾತ್ಮಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳೊಂದಿಗೆ ವಿಶ್ವಕಲ್ಯಾಣಕ್ಕಾಗಿ ಭವ್ಯವಾದ ಮಹಾಧನ್ವಂತರಿ ಯಾಗವನ್ನೂ ಆಯೋಜಿಸಲಾಗಿತ್ತು.